Sambutan Bahasa Jawa Untuk Memimpin Acara Kenduri Kelahiran Anak

Assalamualaikum wr wb

Alhamdulillahi robbil ‘alamin, wabihii nasta’iinu ‘alaa umuriddunya wadiin, wash-shola was-salamu ‘ala asrofil ambiyaai wal mursalin, sayidina wa maulana muhamadin, wa ‘ala alihi wa ashohbihi  ajmain, ama ba’du.

Wonten ngarsanipun shohibul hajjah, nuwun injih panjenenganipun [bpk Joko soho ibu Joko] ingkang kulo hormati (kinurmatan),

wonten ngarsanipun sesepuh soho pinisepuh ingkang satuhu kinurmatan,

wonten ngarsanipun poro bapak soho kangmas soho poro sedherek sedoyo ingkang dipun rahmati Allah SWT,

Sak dherengipun monggo, kito sesarengan tansah muji syukur [alhamdulillahi rabbil ‘alamin] wonten ngarsanipun Allah SWT, ingkang sampun maringi mapinten-pinten karohmatan, soho maringi mapinten-pinten kanikmatan, taufik hidayah inayah dumateng kulo panjenengan sami, sahinggo wontening titi wanci (ndalu) puniko kulo panjenengan sami pikantuk ridhanipun Allah SWT, saget kempal manunggal wontening papan palenggahan puniko (mriki) kanthi rahayu wilujeng mboten wonten alangan rubedo punopo-punopo,

Ingkang salajengipun sholawat soho salam [kulo aturaken /monggo sami kito aturaken] dhumateng Nabi kito Nabi Muhammad SAW, soho sak keluarganipun sak shohabatipun, sumrambahipun dhumateng kulo panjenengan sami, mugi-mugi kanthi sholawat Allohumma sholli ala sayidina muhammad, wa ala ali sayidina Muhammad,

Insya Allah kulo panjenengan sami mbenjing wontening yaumil qiyamah termasuk golonganipun, umatipun kanjeng nabi, insya Allah pikantuk syafaatipun, amiin amiin amiin allohumma amiin.

Sak derengipun kawiwitan saestu [bpk Joko] sak keluarga angambali ngaturaken sugeng rawuh, inggih rawuh panjenengan sami, ugi ngaturaken sugeng ndalu, lan ugi ngaturaken pangapunten, mbok bilih anggenipun nanggapi, anggenipun maringi papan palenggahan, lan ugi anggenipun maringi shodaqoh meniko kirang mranani dhumateng panjenengan sami, saestu [bpk Joko] sak keluarga nyuwun pangapunten ingkang sak kathah-kathahipun, lan ugi ngaturaken agungin panuwun dhumateng poro lenggah sedoyo, ingkang sampun kerso rawuh mriki, nan injih [bpk Joko soho ibu Joko] kagungan hajat inggih meniko [tasyakuran], mijilipun utawi lahiripun putro/putri ingkang kaping kalih, ingkang wontening titiwanci meniko dipun paringi nami(asmo/tetenger) Injih meniko [Dewi Ambarwati].

Lan ugi wontening titiwanci meniko [bpk Joko] sak keluarga ngiklasaken sedayanipun kagem shodaqoh, mugi-mugi shodaqoh meniko dipun tampi Allah SWT, lan dipun ganjar Allah SWT, mugi-mugi shodaqoh meniko inggih saget manfaati, mbarokahi dhumateng shohibul hajjah, sumrambahipun dhumateng kulo pajenengan sami.

Kanthi shodaqoh meniko mugi-mugi [bpk Joko] sak keluarga, sedoyo kalepatanipun dipun ngapunten Allah SWT, pikantuk rohmatipun Allah SWT, mugi-mugi sedoyo keluargo dipun tebihaken saking musibah menopo kemawon, saking bencana menopo kemawon, insya Allah sedoyo keluargo dipun paringi slamet mboten wonten alangan rubedo punopo-punopo, sekeco anggenipun ngibadah wonten ngarsanipun Allah SWT, sekeco anggenipun nyambut damel.

Lan ugi kulo panjenengan sami kasuwuni dongo[pengestunipun /restunipun], [samangke /kanthi] maos kalimat thoyibah, kanthi iklasing manah, kanthi iklasing penggalih, mugi-mugi dongo kulo panjenengan sami dipun ridhani Allah SWT, mugi-mugi [adik/putro/putri ingkang nami Dewi Ambarwati] meniko dipun paringi bagas waras, dipun paringi slamet mboten wonten alangan rubedo punopo-punopo, dipun paringi panjang yuswo [umur], insya Allah samangke dadoso putri ingkang sholihah, migunani dhumateng bongso negari lan agami, langkung-langkung bekti dhumateng Allah SWT, taat dumateng tiyang sepuh kalihipun, insya Allah samangke dadoso putri ingkang ahli ngibadah, putri ingkang mangertos/ paham syariah  islam, sahinggo samangke tansah nindaaken punopo ingkang dados dhawuhipun Allah, menjauhi/nebihi laranganipun Allah SWT, insya Allah samangke dadoso putri ingkang ahli sekolah, putri ingkang ahli fisabilillah, putri ingkang ahli ngaji, putri ingkang ahli akhlak ingkang sae, budi pekerti ingkang sae, insya Allah samangke dadoso putri ingkang sae,

Lan mugi-mugi sedoyo keluargo [bpk Joko] sumrambahipun dhumateng keluargo kulo panjenengan sami, mugi-mugi dipun paringi bagas waras, slamet ndonyo slamet akherat, bejo ndonyo bejo akherat, mulyo ndonyo mulyo akherat, dipun paringi ayom ayem tentrem, dipun paringi kanikmatan tetep iman islamipun, dipun paringi murah pangan, murah sandhang, murah papan, dipun paringi rejeki ingkang lumintu halal barokah melimpah ruah kagem ngibadah wonten ngarsanipun Allah SWT,

sedoyo keluargo [bpk Joko] sumrambahipun dhumateng keluargo kulo panjenengan sami ngiklasaken manah inggih meniko paring donga pangestu dhumateng [adik Dewi Ambarwati] meniko.

Mugi-mugi dipun tebihaken saking ino ndoyo ino akherat, dipun tebihaken saking rekaos ndonyo rekaos akherat, dipun tebihaken saking godho rencono, dipun tebihaken saking musibah menopo kemawon, dipun tebihaken saking bencana menopo kemawon, dipun tebihaken saking penyakit ingkang angel usadanipun, sedoyo dipun paringi panjang yuswo, dipun manfaataken sak sae-saenipun, kagem ngibadah wonten ngarsanipun Allah SWT, kulo panjenengan sedoyo dipun paringi nikmat ingkang kathah, monggo samiyo syukur wonten ngarsanipun Allah SWT, sami nindaaken dhawuh-dhawuhipun Allah SWT, [nebihi/menjauhi] sedoyo laranganipun Allah SWT. Amin allohumma amin...

Ingkang salajengipun monggo sareng-sareng pasang niat kanthi iklasing manah, ndedongo badhe kawiwitan, ingkang ngrasuk agami islam kulo dhere’aken, ingkang ngrasuk sanesipun islam kulo sumangga’aken kawicaksa’anipun, monggo...

Salajengipun donga.

Al fatihah...

....

....

Menawi sampun salajengipun di pun tutup.

Monggo dipun tutup kanthi waosan hamdalah sesarengan... alhamdulillahi rabil alamin.

NB:

Menawi badhe wonten jagongan, meniko pengumumanipun.

Kepareng matur malih dhumateng poro lenggah sedoyo, minangkani kersanipun shohibul hajat injih meniko keluargo bpk Joko, sa’estu, mbok bilih samangke sampun ndungkap wekdalipun, sakbibaripun acoro kenduri meniko, mbok bilih kulo panjenengan sami mboten wonten acoro sanesipun, sakestu kulo panjenengan sami kasuwuni rawuh malih wontening papan meniko, inggih puniko kagem cegah pawungon.

[Cekap semanten/Mekaten] atur kawulo, Sakderengipun kulo tutup, mbok mbilih anggen kulo matur wonten ngarsanipun poro bapak/ibu, poro sedherek sedanten, wonten klenta klentunipun, khatah galap gangsulipun, lan mbok bilih kirang mranani wonten penggalih panjenengan sami, sak estu, kulo nyuwun lumunturing sih samudro pangaksami.

Kulo tutup (Akhiru kalam) wassalamu alaikum wr wb.

*****

Kamu bisa mengganti nama sesuai dengan kebutuhan. Dan saya di sini menulis beberapa dengan ejaan mengikuti suara saja, contoh :
"Monggo" tidak "Mangga", "sedoyo" bukan "sedaya", "kulo" tidak "kula", dan lainnya hanya untuk memudahkan saja. Kecuali "donga" tidak saya tulis "dongo" nanti kelihatan lucu...wkwk...

Videonya bisa di lihat di sini.